FATUMA WA SEGERE AZIKWA LEO BAGAMOYO

Aliyekuwa mwimbaji wa wa kundi la Segere maarufu kwa kupiga nyimbo za kizaramo Fatuma Rajab atarajiwa kuzikwa leo katika kijiji  chao kilichopo wilaya ya Bagamoyo Mkoani Pwani, imefahamika



Akizungumza na mtandao huu Meneja wa bendi ya Segere bwana Masharubu alisema marehemu alifariki jana katika hospitali ya Muhimbili na alikuwa akisumbuliwa na maradhi ya kifua kwa muda yaliyopsababisha hadi jana kifukia umauti wake.

Mwimbaji huyo aliyekuwa machachari na mwenye ustadi wa kuimba nyimbo za kizaramo alipitia bendi mbalimbali lakini alipata maarufu zaidi pale alipoimba wimbo wa Segere namba mbili na kuchukua nafasi ya Siza Mazongela aliyekuwa amejiengua katika kundim hilo.

Inna lillah waina ilaihi raajiun.

KELLY ROWLAND ANUSURIKA KUFA MAJI

Mwanamuziki wa miondoko ya R&B, Kelly Rowland ameokolewa kwenye bahari mara baada ya kukwama baharini kwa masaa 12.

Rowland akiwa na watu wengine kadhaa walikutwa na kisanga hicho wakati wanashuhudia maonyesho yaliyofanyika ndani ya boti moja mnamo siku ya Ijumaa asubuhi (July 19th) na gafla hali ya hewa ikabadilika na kusababisha mawimbi makali.

Kepteni wa boti hiyo alipatwa na wasi kutokana na hali ilivyobadilika, ila kepteni wa wa boti ya TowBoat U.S. aitwaye Noah Santos alifanikiwa kumuokoa kila mmoja aliyekuwa kwenye boti hiyo akiwemo mwanamuziki huyo wa ngoma ya “Sail On”.

Santos alisema “kila mmoja alikuwa anatetemeka.” Na baada alipokea asante ya moja kwa moja toka kwa Kelly Rowland:

“Tulitoka naye siku inayofuata nikiwa na mke wangu kisha akatununulia chakula cha usiku. Aliniambia kwamba mimi ni shujaa wake.”

Mpaka sasa aakuna kauli yoyote toka kwa Kelly Rowland au timu yake kutokana na tukio hilo.

Hebu cheki picha ya Kelly akiwa na muokozi wake, Noah Santos..

 

 

 

 

 

 

 

 

 

RAY C AWA KIBONGE

 

Mwanamuziki staa wa Bongo Fleva, Rehema Chalamila ‘Ray C’ ambaye amepotea katika anga la muziki kwa kipindi kirefu kutokana na matatizo ya matumizi ya madawa ya kulevya, amejitokeza akiwa amefutuka.


Hivi karibuni, Ray C ameibuka na kuanza kutundika picha na vipande vya video zake katika kurasa zake kwenye mitandao ya kijamii, ikiwa ni sehemu ya kujiweka karibu na mashabiki wake.

Kufuatia ishu hiyo, kumeibuka mshtuko mkubwa kwa baadhi ya watu kutokana na picha hizo kumuonesha ‘bidada’ akiwa amenenepeana ghafla tofauti na alivyozoeleka.

UNENE UNATOKANA NA DOZI?
Baadhi ya mashabiki wake katika mtandao wa Instagram walidai kuwa inawezekana unene huo unatokana na dozi ya kuacha ‘unga’.

Hata hivyo, wengine walimshukuru Mungu kwa kuwa sasa afya ya mwanadada huyo inaonekana kurudi katika hali yake ya kawaida tofauti na miezi kadhaa aliporipotiwa na gazeti hili akiwa amezimika kutokana na matumizi ya unga.

Katika picha hizo, Ray C anaonekana kufutuka usoni, kifuani na mapajani ambapo awali kabla ya matatizo hakuwa hivyo.
Wengi walimshukuru Mungu kumuona tena Ray C akiwa mzima pamoja na ukimya wake katika muziki.

Ray C amekuwa akitundika picha hizo kwa ajili ya mashabiki na marafiki hasa kupitia Instagram akiambatanisha na maelezo huku nyingine zikizungumza zenyewe.

HATAKI KUTAJA ANAPOISHI
Maelezo ya picha hizo yamekuwa yakielezea maisha ya Ray C kwa sasa akiwa kwenye mjengo wa maana bila kutaja ni sehemu gani.


Kwa mujibu wa mashabiki wa Ray C, mwanadada huyo kwa sasa anakula bata tu huku akimshukuru Rais wa Jamhuri ya Muungano wa Tanzania, Dk. Jakaya Mrisho Kikwete ambaye anamuita ‘Daddy’ kwa kuwa ndiye aliyemsaidia kimatibabu.

Daktari mmoja maarufu jijini Dar aliyehojiwa , alibainisha kuwa kinachosemwa na mashabiki wa Ray C kwamba kinachomnenepesha ni dozi ya kuacha madawa ya kulevya, kinaweza kuwa kweli au kisiwe kweli.

Aliongeza kuwa kunenepa kunachangiwa na vitu vingi kama kupata maisha mazuri yasiyohusisha msongo wa mawazo au mihangaiko ya hapa na pale hivyo anachofanya ni kula, kulala na kustarehe tu

RAYUU:SIKO TAYARI KUFANYA DHAMBI KWENYE MWEZI MTUKUFU.

Muigizaji wa filamu Rayuu amesema kuwa katika mwezi huu mtukufu wa Ramadhani anapenda kumcha mungu na hapendi kufanya dhambi kabisa licha ya watu wachache kutaka aonekane mbaya mbele ya jamii.

  Akichonga na Swahiliworldplanet alisema "Mh... Cpendi kufanya dhambi kabisaaa ndo maana mwezi wote najitahidi kuwa msafi na kumcha mungu. Msafi kimatendo ingawa siku zote matendo yangu ni masafi bali tuh wachache ndo hunifanya nionekana mbaya"

LULU AKABIDHIWA RASMI TUZO YAKE YA MUIGIZAJI BORA WA KIKE 2012-2013 KUTOKA ZIFF(PHOTOS)

    Elizabeth Michael(Lulu) ambaye ni actress maarufu Swahiliwood amekabidhiwa rasmi tuzo yake ya best actress in Swahili movies kutoka Zanzibar international film festival ambayo alishinda hivi karibuni. Ukiachilia tuzo hiyo Lulu pia alipewa kiasi cha pesa ingawa hatukuweza kujua ni kiasi gani ikiwa ni sehemu ya zawadi kwa washindi wa tuzo hizo kama anavyoonekana pichani hapo chini.

Hongera Lulu na kwa washindi wote wa ZIFF. angalia picha.........................

AGNESS MASOGANGE AKAMATWA NA MADAWA YA KULEVYA S.AFRIKA

HATIMAYE wale Wanawake wawili walionaswa na madawa ya kulevya Afrika kusini wametambuliwa kuwa ni mabinti wa KITANZANIA ..

  
Mabinti hao wanadaiwa kuingiza shehena ya dawa za kulevya zenye thamani ya zaidi ya Sh. bilioni 6.8 nchini Afrika Kusini wakitokea Tanzania.

 

               Akizungumza na mwandishi wetu jana, Kamanda wa Polisi Kitengo cha Kuzuia na Kupambana na Dawa za Kulevya, Geofrey Nzoa, alisema haijafahamika wanawake hao wanatoka mikoa gani.

           Kamanda Nzoa aliwataja wanawake hao kuwa ni Agnes Jerald (MASOGANGE) ambaye alisema hajapiga hesabu ya umri wao, ila alizaliwa mwaka 1988 kwa maana hiyo ana umri wa miaka 25 na Melisa Edward ambaye alisema amezaliwa mwaka 1989 kwa maana hiyo atakuwa na umri wa miaka 24. Wawili hao bado wanaendelea kuhojiwa na polisi wa Afrika Kusini.

            Alisema Jeshi la Polisi Nchini kwa upande wake linaendelea kufanya uchunguzi kubaini kama dawa hizo walitoka nazo wapi na pia linawasaka watu ambao watakuwa ndiyo wamiliki wa dawa hizo.

          Jumapili iliyopita mtandao huu ulipata taarifa za kukamatwa kwa dawa za kulevya aina ya Crystal Methamphetamine zenye thamani hiyo nchini Afrika Kusini wakati zikisafirishwa kutoka Tanzania.

             hizo zilionyesha kuwa wanawake wawili walikamatwa katika uwanja wa ndege wa kimataifa wa Oriver Tambo uliopo eneo la Kempton Park siku ya Ijumaa wiki iliyopita wakitokea Tanzania.

              Wanawake hao walikamatwa na maofisa wa Mamlaka ya Mapato ya Afrika Kusini wakiwa na masanduku sita ambayo yalipokaguliwa yalikutwa na takribani kilo 150 za dawa hizo ambazo pia zinajulikana kama ‘Tik’ zikiwa na thamani ya bei ya mtaani ya Randi milioni 42 sawa na Sh. bilioni 6.8.                

              Baada ya kukamatwa na dawa hizo wanawake hao walikabidhiwa polisi. Tukio hilo linatoka takribani wiki moja baada ya Waziri Mkuu, Mizengo Pinda, Juni 28, mwaka huu kutangaza kuwa tatizo la dawa za kulenya hivi sasa ni janga la kitaifa nchini.           Alisema kumekuwa na wimbi kubwa la Watanzania wanaojiingiza katika biashara haramu ya dawa za kulevya ndani na nje ya nchi na kwamba, katika kipindi cha miaka mitano iliyopita, watuhumiwa 10,799 walikamatwa kwa kujihusisha na dawa hizo.

Pia alisema katika kipindi hicho, Watanzania 240 walikamatwa katika nchi za Brazil, Pakistan na Afrika Kusini, na hivyo kuharibu taswira ya nchi na kusababisha Watanzania wasio na hatia kupata usumbufu na masharti magumu wanapotaka kusafiri kwenda nchi mbalimbali duniani.

Pinda alisema mwaka huu pekee kumekuwa na ukamataji mkubwa wa dawa za kulevya katika eneo la kimataifa la Bahari ya Hindi karibu na Tanzania.

Alisema hivi sasa mikate, maandazi na askrimu zinazouzwa kwenye shule za msingi, zinawekwa dawa za kulevya.

Alisema vitendo hivyo vinafanya vijana wengi wa shule za msingi na hata sekondari kuwa na tabia za ajabu, ikiwamo kuingia darasani wakiwa na kiatu kimoja mguuni, mkufu wenye nyembe na kidani chenye nyembe kifuani

RECHO:SIJIPUNGUZI ILI NIOLEWE

MSANII anaye fanya tasnia ya filamu
nchini Recho Haule amefunguka kuwa amekuwa akifanya mazoezi kwa sasa ili kuimarisha mwili na si kwamba anapunguza uzito ili aolewe kama baadhi ya watu wanavyodai.

Nyota huyo mefunguka hivyo baada ya kuibuka tetesi zilizotufikia katika blog hii kutoka kwa baadhi ya wasanii wa tasnia hiyo ya filamu.

"Kwa sasa nafanya mazoezi kwaajili
ya kutunza hali ya afya yangu,nimekuwa
nikifanya mazoezi  ilikuutunza
mwili wangu uwe katika hali ya afya
njema,"alisema Recho .